استنى وشوف بالمره واعرف قلبى لمين بيميل
انا عارفه ان انا بختار راجل شهم وحر أصيل
متربى ف بيت العز مش محتاج يثبتلى كتير
ان انا هرتاح وياه مش هتعب من اخلاق خسرها ضمير
على فكره الصبر جميل لو تستنى اكيد هتنول
بكره انا مش هتكلم وهسيب قلبى يقول على طول
اتقل بقى حبه وخلى الحب يكون مسئول
يجى وقت ما يجى كلامه واكيد جاى حبيبى يقول
ولاتسمع حد يقولك بطل صبر مفيش تغيير
على فكره هواك اتكلم قالى كلام ف ودانى كتير
بيقولى انا جاى عشانك وبلاش خوف من بعد كبير
بتغير بس عشانك ما انتى أميره وعاوزة أمير
وانا بحلم بس بقصرك واسكن فيه على فرش حرير
وطيور ف السما حوالينا بتطير تعلى تقول مواويل
على فكره الكل شايفنا وفرحه كبيره تبان ف عيون
متلومش وتجرح ولا تعرف للحب تخون
بتسلم بس وتطلب فرح يزيد ويكون
أجمل افراحنا وحبنا يكبر يملا الكون
ونكمل بكره وبعده وبعده بفرح يدوم
