بقلم : ريهام عبدالله
انا شايفه قدامى بطل
عايش وبس بالأمل
ساكن قلوع
بانى حصون
مش بالكلام لأ بالعمل
ف الشمس واقف ع الحدود
زى الجبال زى الاسود
وامله بس الخير يسود
يوصل لابنه من الجدود
ويعيش يشوف حلمه اكتمل
ف البرد ماشى ف سكته
والنار صديقته وصاحبته
وسلاحه هوه دنيته
على كتفه باين همته
مهما يشيل كان محتمل
ف بلاده كان حلمه الشهاده
والصعب شافه وكان له عاده
يكفيه يشوفها فى سعاده
والخير ماليها وبالزياده
ياريت سلامى ليه وصل
